இன்பத்திருநாள் எந்நாளோ?

சிட்டுப்போல் சிறகடித்து

சிறார்போல் ஒற்றுமையாயிருந்து

பட்டுப்போல் அலங்கரித்து _ பல‌

பண்பாளரை வளர்த்தெடுத்து

வட்டுநகர் சிறப்புற்று _ எம்

வடுக்களெல்லாம் படுத்துறங்க‌

மெட்டிசைத்துப் பாடும் நாள்

எந்நாளோ?

 

எந்தயர் சொல்லே மந்திரம் என்று

சிந்தையில் கொள்ளுதல் வேண்டும்

மந்தயர் ஆண்ட காலம் புரண்டோடி _ நல்ல‌

மானிடர் மண்ணாழ வேண்டும்

அன்னையை மறந்து ஆலயம் படைத்து மதத்தைவிதைத்தீரோ

இல்லையெம் ஒற்றுமையை சிதைத்தீரோ

இந்த வேற்றுமையெல்லாம் மண்ணில் புதைந்திடும்

இன்பத்திருநாள் எந்நாளோ?

நாளை எமது கையில் என்று நம்பி

உழைத்திடுவீரோ _ இனி

ஏழை என்று எவருமில்லை

என்று உரைத்திடுவீரோ

கோழையான பாதி பேரே

யாதி என்கிறார் _ இந்த‌

கொடுமையெல்லாம் அழிந்து நாடு

சிறப்பதெந்நாளோ?

Alivetamil blog

http://www.alivetamil.blogspot.com/

 

Categories: கவிதை