பத்தொன்பதாம் நூற்றாண்டின் நடுப்பகுதியில் கால் மார்க்ஸ் (Karl Marx) பெரிடிரிச் ஏங்கலஸ் (Friedrich Engels) ஆகியோரால் பரிந்துரைக்கப்பட்ட மெய்யியல், பொருளியல் மற்றும் சமுக அரசியல் தொடர்பான தத்துவமே மார்க்சியம் ஆகும். இக்கோட்பாடே மூலதனம் என்ற மூலமந்திரத்திற்கு வித்திட்டு முதலாளித்துவத்திற்கு முழு எதிரியாய் விளங்குகிறது.
மார்க்சியம் வலியுறுத்தும் பொருள் முதல் வாதத்திலே (Concept of Materialism); பொருள் எனப்படுவது நமக்கு புறத்தே உள்ள, புலன்களால் உணரக்கூடிய அனைத்தையும் உள்ளடக்குகின்றது. புலன்களால் உணரமுடியாதவை கருத்து எனப்படுகிறது. பொருள் ஒன்றினை ஆக்கவோ அல்லது அழிக்கவோ முடியாது அதன் வடிவம் மட்டுமே மாறுபடும் என்பது அறிவியலாகும். கருத்து என்பது மனிதனுடைய சிந்தனையிலிருந்துதான் உருவாகின்றது. ஆகவே கருத்திற்கு ஒரு தொடக்கம் முடிவு என்பன உண்டு. ஆனால் பொருளிற்கு ஆதி அந்தம் என்பது இல்லை. இதிலிருந்து இந்த பிரபஞ்சமும் (பருப்பொருட்கள்) ஆதியும் அந்தமும் அற்றது எனலாம். அறிவியல் வளராத காலங்களில் இதனை மக்கள் ஏற்க மறுத்தார்கள் இவை அனைத்தும் ஆதியும் அந்தமும் அற்ற இறைவனால் படைக்கப்பட்டவை என்றும் அவர் ஐம்புலன்களால் உணரப்படமுடியாதவர் என்றும் கூறினார்கள். ஆகவே கடவுள் வெறும் கருத்துத்தான் அது மனிதனால் படைக்கப்பட்டதே ஒழிய மனிதன் கடவுளால் படைக்கப்படவில்லை என்பதே மார்க்சியத்தின் மெய்யியல் கோட்பாடாகும்.
பொருள் என்பது தொடக்கமும் முடிவும் அற்றது என்று கூறிய கால் மார்க்ஸ் அதில் ஏற்படும் நிலைமாற்றம் அல்லது வடிவமாற்றத்தினை இயக்கவியல் பொருள் வாதத்தினூடாக விளக்குகிறார். இயக்கவியல் மாற்றங்களானது பின்வரும் காரணங்களினால் விளக்கப்படுகின்றது.
1 எதிர் எதிர் கூறுகளின் முரண்பாடு
2 அளவு மாற்றம் பண்பு மாற்றம் அடைதல்
3 விருத்தியடைதலால் ஏற்படும் மாற்றம்
எதிர் எதிர் கூறுகளின் முரண்பாடு என்பது உள் முரண்பாடு அல்லது போராட்டங்கள் காரணமாக ஏற்படுகின்ற மாற்றங்களைக் குறிக்கும். இங்கு இரண்டு கூறுகள் ஒன்றை ஒன்று எதிர்க்கும். ஆனால் ஒன்று இல்லாமல் இன்னொன்று இருக்க முடியாது. உதாரணம் இரவு _ பகல், வெப்பம் _ குளிர், உற்பத்தி சாதனங்கள் _ உற்பத்தி உறவுகள்
அளவு மாற்றம் பண்பு மாற்றம் அடைதல் என்பது அளவில் ஏற்படுகின்ற மாற்றமானது ஒரு கட்டத்திற்கு மேல் பண்பில் மாற்றத்தை ஏற்படுத்துகின்றது. எளிமையான உதாரணம் நீர் கொதித்தல். முதலில் வெப்பநிலை மாற்றம் (அளவு மாற்றம்) பின்னர் 100 பாகை C ஐ அடைந்தவுடன் பண்பு மாற்றம் அடைகிறது. அடிமை சமுகத்தில் ஏற்பட்ட அளவு மாற்றம் நிலப்பிரதிநிதித்துவம் என்ற பண்பு மாற்றத்தை ஏற்படுத்தியது. மனிதன் ஒரு செயலை சிந்தித்துக்கொண்டிருக்கும் பொழுது அது அளவு மாற்றத்தை ஏற்படுத்துகிறது. ஒரு கட்டத்திற்கு மேல் அவன் செயலில் இறங்கும் பொழுது அது பண்பு மாற்றத்தை குறிக்கும்.
வரலாற்றுப் பொருள்முதல்வாதம் (Historical Materialism)
இயக்கவியல் விதிகளை மனித சமுதாய வரலாற்று மாற்றங்களுக்கு பிரயோகிப்பதே வரலாற்றுப் பொருள் முதல் வாதம் எனப்படுகிறது. ஆதியில் வாழ்ந்த பொதுவுடமை சமுதாயம், அடிமை சமுதாயம், நில பிரதிநிதித்துவ சமுகம், முதலாழித்துவ சமுகம், ஆகியவற்றை எடுத்து இயக்கவியல் கோட்பாடுகளுக்கு உட்படுத்தி ஒன்றில் இருந்து இன்னொன்று மாறி வந்துள்ளது என்பதை கால் மார்க்ஸ் விளக்கினார்.
ஒவ்வொரு சமுதாயமும் அதன் உள்முறன்பாடுகளால் அல்லது பிரச்சனைகளால் மாற்றத்தை ஏற்படுத்துகின்றன (வளர்ச்சியடைகின்றன). இந்த மாற்றம் ஒரு கட்டத்துக்கு மேல் பண்புமாற்றத்தை ஏற்படுத்துகின்றன. படைக்கப்பட்ட புதிய சமுதாயம் தனக்குத் தேவையானவற்றை எடுத்துக்கொள்கின்றன, தேவையற்றவற்றை தவிர்க்கின்ற்ன. இதுவே மார்க்சியம் கூறும் மெய்யியலின் சாரம்சமாகும். ஆகவே மாக்சியத்தின் இயக்கவியல் கோட்பாட்டினால் சமுதாய மாற்றத்தின் பாதையை விளக்கவும் எதிர்காலத்தில் முதலாழித்துவ சமுதாயத்தில் ஏற்பட இருக்கின்ற பண்பு மாற்றத்தை எதிர்வு கூறவும் முடியும்.
மேலும் தொழிலாளிகளின் வியர்வையில் குளிர்காயும் இக்கால முதலாழித்துவ சமுதாயத்தினால் ஏற்படுகின்ற முரண்பாடுகளினாலும் பிரச்சனைகளினாலும் ஏற்படுகின்ற அளவு மாற்றம் ஒரு பண்பு மாற்றத்தை ஏற்படுத்தி புதியதோர் சமுதாயத்தை தோற்றுவிக்கும் என்பது உறுதி.
Alivetamil blog
http://www.alivetamil.blogspot.com/
Categories:
சிவப்புவரிகள்
,
மார்க்சியம்
4 comments:
மார்க்கசீயம் பற்றிய அருமையான
கருத்து விளக்கம்.
நன்றி சகோ
- Tamilpriyan -
arumai
Please provide your contact.
Arun agest3@gmail.com 9003870666
Post a Comment