ஆதியிலேயே ஆயுதம் கண்டான் தமிழன்
ஆனையை எதிர்க்கும் வீரியம் கொண்டான்
சேனையை பெருக்கிப் பல போர்க்களம் வென்றான்
உடல் இறக்கையிலும் உயிர்த் தமிழை பாரெங்கும் பரவவிட்டான்
திடல் கண்ட இடமெல்லாம் தேரோடி சென்றான்
கடல் கடந்த இடஞ் சென்றும் போராடி வென்றான்
இத்தனை சிறப்புற்று சீரழிந்து போனான் - ஈற்றில்
எத்தனையோ பேர் தூற்ற வாயடைத்து போனான்
காரணம்
பதவி, பணம், பேராசை, மண்ணாசை, பெண்ணாசை, ஒற்றுமையின்மை
தமிழா!
பகைவரது பாதங்களை அலங்கரித்தாய் நீ
பதவிக்காய் பாதணியாய் அவதரித்தாய்
தம்பியரைக் கொன்றவரை ஆதரித்தாய் உன்
தாய் மண்ணை தின்றவரை ஆழவிட்டாய்
மறவர்களை மாட்டிவிடும் வலையுமாகினாய் நீ
குறவர்களின் கையிலே விலையுமாகினாய்
அறமிழந்த கயவர்களின் கலையுமாகினாய்
காரிருளில் தமிழை தள்ளும் நிலையையாக்கினாய்
கோழையரைப் போல் பகைவரிடம் பயந்து ஓடினாய் - தமிழ்
காளையரை கொல்ல நீ ஒன்று கூடினாய்
நல்ல வேளை வரும் தமிழன் ஒன்று கூடுவான்
நாளை இந்த உலகினையே வென்று ஆழுவான்.
Alivetamil blog
Categories:
கவிதை
0 comments:
Post a Comment