நான் ஓர்..
களை கிள்ளும் தோட்டத்தொழிலாளி _ எனை
உழை என்றுதைப்பான் என் முதலாழி _ தனி
வளையின்றி மழைபோலே தினம் கண்ணீர்தான் _ வாழ்வில்
குடிலில் பிணியால் பரிதவிக்கும் பெற்றோரைக்கண்டேன்
பசியால் பரிதவிக்கும் பிள்ளைகளைக் கண்டேன்
நசுக்கிப்பிளிந்தாலும்; நான்தானேயென்றெண்ணி _ உழைப்பை
புசித்து ஏப்பம் விடும் கயவரிடம் வந்தேன்
உழைப்பிற்கேற்ப ஊழியம் எனில் உற்சாகம் பிறக்காதா
உழைப்பவன் உயர்ந்தால் உலகமே சிறக்காதா
மேடு பள்ள வர்க்கம் மனிதனில் இறக்காதா
மாந்தநேய எண்ணம் மண்ணிலே பிறக்காதா
காற்று நெருப்பு வானெல்லா இயற்கையும் பொதுவென்றாய் மனிதா _ நீ
வீற்றிருக்கும் மண்ணையெல்லோ வஞ்சகமாய் கூறிட்டாய்
நாற்றினில் உள்ள களையை நான் அகற்றிடுவேன்
நாட்டினுள் உள்ள களையை நீர் அகற்றுவீரோ?Alivetamil blog
Categories:
கவிதை
0 comments:
Post a Comment