தனி மனித ஒழுக்கம் தவறிச் செயற்படுபவர்களுக்கு நித்தியானந்தாவின் வாழ்க்கை ஒரு எச்சரிக்கையாக விளங்குகிறது. இன்றைக்கு எல்லா இணையத் தளங்களிலும் பத்திரிகைகளிலும் ஒரு மூலையிலாவது நித்தியாநந்தா தொடர்பான செய்திகள் இல்லாமலில்லை. தொலைக்காட்சியிலும் கூட இது தொடர்பான செய்திகளுக்கு தனியிடம் ஒதுக்கப்படுகிறது. இதற்கு காரணம் என்ன? உண்மையிலேயே போலிச்சாமியார்களின் முகத்திரையை கிழித்தி அவர்களின் காமலீலைகளை அம்பலப்படுத்தி மக்களுக்கும் இந்த சமுதாயத்திற்கும் விழிப்புணர்வை ஏற்படுத்தி இது போன்ற செயல்கள் எதிர்காலத்தில் நடைபெறாமல் தடுத்து சமூகத்தை அறத்தோடும் நாட்டை நன்நெறியோடும் வாழவைக்கவேண்டும் என்ற நோக்கத்திற்காகவா இத்தைய காணொளிகள், புகைப்படங்களை தொலைக்காட்சிகளில் பத்திரிகைகளில் வெளியிடுகிறார்கள்?
நடிகைகள் தொடர்பான செய்திகள், நடிகைகளின் புகைப்படங்கள், சினிமா கிசுகிசுக்கள், வன்புணர்ச்சிகள் தொடர்பான செய்திகள் போன்ற பகுதிகள் இளையோரை அதிகம் கவருகின்றனவாக காணப்படுகின்றது. இவை சில ஊடகங்களுக்கு தரவரிசை போட்டியை சமாளிக்க பெரிதும் உதவியாக இருக்கின்றன. அந்த வகையிலே நித்தியாநந்தா விவகாரத்தையும் சில ஊடகங்கள் ஒரு துருப்புச்சீட்டாக பயன்படுத்த தவறவில்லை. இதற்கு அவ்வூடகங்கள் தரும் பதில்; ஊடகங்களுக்கு என்றொடு சட்டம் இருக்கிறது, தனிமனித சுதந்திரத்தை அல்லது தனிமனித வாழ்வை தவிர பொதுவாழ்க்கையில் ஈடுபடுகின்ற எவரையும் விமர்ச்சித்து செய்தி வெளியிடமுடியும். இது உண்மை. ஆனால் கேள்வி அதுவல்ல. சண் தொலைக்காட்சியில் வர்ணனையோடு நேரடி ஒளிபரப்பை போல காண்பித்தார்கள் திரும்பத்திரும்ப காண்பித்தார்கள். ஒரு அலைவரிசையில் மட்டுமல்ல சண் குழுமத்தின் நாற்பது அலைவரிசைகளிலும் காண்பித்தார்கள். நற்கீரனும் விதிவிலக்கல்ல. நீங்கள் சாமியாரின் படங்களை பிரசுரியுங்கள் பிரச்சனையில்லை.
உலகத்தில் பஞ்சம் பட்டினி என்று மக்கள் தினமும் சாகிறார்கள், ஒரு வேளை குடிக்க கூட தண்ணீர் இல்லாமல் சோமாலியாவில் மக்கள் அலைந்து திரிகிறார்கள், சூழல் மாசடைகிறது, சுற்றாடல் வெப்பமடைகிறது, சுவாசிக்க சுத்தமான காற்று கூட சில சமையம் கிடைப்பதில்லை, விஞ்ஞானத்தின் விபரீதங்களால் ஏற்படுகின்ற அனர்த்தங்கள், இயற்கை அனர்த்தங்கள், விபத்துக்கள் பயங்கரவாதச் செயல்கள் போன்றன தொடர்பாக பன்னாட்டு ஊடகங்கள் ஆய்வுகளை மேற்கொண்டு மக்களுக்கு நிவாரணங்களையும் விழிப்புணர்வுகளையும் எச்சரிக்கைகளையும் வழங்கிக்கொண்டு வருகிறது.
ஆனால் தமிழ் ஊடகங்கள் சாதித்தது என்ன?
சனல் 4 தொலைக்காட்சி, இலங்கை தமிழர்கள் யுத்ததின் போது எதிர் கொண்ட விளைவுகளை ஆய்வு செய்வதின் மூலம் ஒரு ஆவணப்படத்தை வெளியிட்டது. ஆனால் இந்த சண் தொலைக்காட்சி தமிழர்களுடைய யுத்தத்தின் போதான உயிர் சேதங்கள் இழப்புக்கள் தொடர்பாக ஏதேனும் ஒரு செய்தியை வெளியிட்டிருக்குமா? முத்துகுமார் மூட்டிய தீ தமிழகத்தையே எரியவைத்தபோது ஏன் இந்த தொலைக்காட்சி மெளனமாக இருந்தது? காட்டவேண்டிய விடையங்களை மக்களுக்கு காண்பிக்காமல் மறைத்துவிட்டு ஒரு நடிகையின் அந்தரங்கங்களை படம்பிடித்து காட்டுவதா உங்கள் ஊடகதர்மம்.
தரவரிசைகளையும் விளம்பரங்களையும் மட்டுமே கருத்தில் கொண்டு செயற்படாது ஊடகங்கள் தான் சமூகத்தை நெறிப்படுத்துகிற ஆசான் என்பதை மனதில் வைத்துக்கொண்டு ஊடகவியலாளர்கள் செயற்படவேண்டும். அப்போது தான் சமுதாயம் மிளிரும் நாடும் வளரும்.
Alivetamil blog
http://www.alivetamil.blogspot.com/
Categories:
சமுகவியல்
0 comments:
Post a Comment